په نورستان ولایت کې د "پرمختګ" په نوم د پهلوانۍ سيالۍ ترسره شوې
د نورستان ولایت بدني روزنې او ورزش امريت او پهلواني فدراسیون له لوري د دې ولايت مرکز اړوند کانټيوا کلي پهلوانۍ ميدان کې د پهلوانۍ سيالۍ ترسره شوې.
په دغو سياليو کې بلال پهلوان لومړى او ضيا الله پهلوان دويم مقام تر لاسه کړ.
د دې سياليو موخه د پهلواني ملي سياليو ته چمتووالى، د پهلوانانو ترمنځ همغږي رامنځته کول او د غوره استعدادونو موندل دي.
په پاى کې د نورستان ورزش امريت له لوري مقام ګټونکو ورزشکارانو ته مادي او معنوي جايزې هم ورکړل شوې.
