په سمنګان ولایت کې د دريو کلبونو ترمنځ د سوک وهنې سیالۍ ترسره شوې
په سمنګانو ولایت کې د نوي حبیب، عظیمي او عبدالاحد رحماني کلبونو د ورزشکارانو ترمنځ د سوک وهنې سیالۍ ترسره شوې.
دغه سیالۍ د یاد ولایت د ورزشي امر محب الله محبي او د نوموړي ولایت د ورزشکارانو په شتون کې ترسره شوې، چې په پایله کې عظیمي کلب لومړی مقام او رحماني کلب دویم مقام خپل کړ.
په سمنګان ولایت کې ورزشي مسولین وایي، چې په دغو سیالیو کې په مختلفو وزنونو او دریو کټګورو ( تنکیو ځوانانو، ځوانانو او لویانو) کې ۴۴ ورزشکارانو ګډون کړی و او موخه یې د سوک وهنې ورزش ته وده بلل شوې ده.
هېره دې نه وي په پای کې غوره ورزشکارانو ته د ورزشي مسولینو له لوري ستاینلیکونه او ډالۍ ورکړل شوې.
