په خوست کې د ۲۵ لوبډلو ترمنځ د ټېپ بال کرکټ سيالۍ پيل شوې
د خوست ولايت مرکز اړوند ازادۍ مېنې په لوبغالي د ۲۵ لوبډلو ترمنځ د ټېپ بال کرکټ سيالۍ پيل شوې.
د دغو سياليو لومړۍ لوبه د حسيب او اصف لوبډلو ترمنځ ترسره شوه، لومړی توپوهنه حسيب لوبډلې وکړه او په ټاکلو لسو اورونو کې يې سيالې لوبډلې ته د درېيو لوبغاړو په زيان ۱۳۳ منډې هدف کېښود. د لوبې په دويمه پاڼۍ کې اصف لوبډلې د ټولو اورونو په لوبولو سره ۱۱۰ منډې وکړې او په ۲۳ منډو يې سيالې لوبډلې ته ماتې ومنله.
هېره دې نه وي چې دغه سيالۍ به ۲۰ ورځې دوام وکړي او موخه يې له نشه يي موادو سره مبارزه ياده شوې ده.
