په بلخ ولایت کې د ګل سرخ په نوم د وزلوبې سیالۍ
په بلخ ولایت کې د یاد ولایت د ورزش امریت له خوا د بلخ او سرپل ولایتونو د چاپندازانو تر منځ د وزلوبې سیالۍ وشوې.
یادې سیالۍ د بلخ ولایت مرکز د حاجي مقیم بای ورزشي لوبغالي کې وشوې.
د یادو سیالیو په پای کې د حاجي قدرت الله محسني په اس صبور پهلوان لومړی مقام او سرور پهلوان د حاجي سرور بای په اس دویم مقام خپل کړ.
د یادونې وړ ده، چې د بلخ په ګډون ځینو شمالي ولایتونو کې د وزلوبې سیالۍ دود ده او د هرې جمعې په ورځ سیمهییزې لوبې کېږي.
