په بامیان کې د رمضان جام په نوم د فولرزم یو ورځنۍ سیالۍ ترسره
په بامیان ولایت کې د فولرزم قهرمانان کلب او د فولرزم فدراسیون له لوري د بامیان د بدني روزنې او سپورټ آمریت په همغږۍ د فولرزم رمضان جام سیالۍ ترسره شوې.
دغه یو ورځنۍ سیالۍ د دوو عمري ډلبندیو(ځوانانو او نویو ځوانان) د ۳۰ تنو ورزشکارانو ترمنځ د روح الله نیکپا په جمنازیوم کې پیل شوې وې.
د سیالیو د پیل په مراسمو کې د بامیانو د ورزش مسؤولینو او مخورو برخه اخیستې وه او ورزشکاران یې وهڅول.
په پایله کې د بامیانو د ورزس آمریت له لوري غوره ورزشکارانو ته ستاینلیکونه او د قهرمانۍ حکمونه ورکړل شول.
