پلخمري کې د بغلان د ۱۵ ولسوالیو او سمنګانو چاپندازنو ترمنځ د وزلوبې سیالۍ ترسره شوې
د وزلوبې دغه دوه ورځنۍ سیالۍ د بغلان ولایت د بدني روزنې او سپورت آمریت او د وزلوبې فدراسیون په همغږۍ د پلخمري اړوند بالادوري سیمه کې ترسره شوې.
دا سیالۍ د بغلان ولایت د ۱۵ ولسوالیو او سمنګان یو شمېر چاپندازانو په ګډون د زرګونو نندارچیانو اومینوالو په حضور کې ترسره شوې .
د سیالیو په لړ کې دادالله پهلوان د ګل جان په اس درې ځل، مسعود پهلوان د شیرخان په اس یو ځل او مزمل هم د سیالۍ ورستی اولاق په خپل اس باندې دایرې ته ورسول او ګڼې جایزې او ډالۍ یې ترلاسه کړې.
یادې سیالۍ د چاپندازانو د چمتوالي او خلکو ترمنځ د یووالي په موخه پیل شوې وې.
