پلازمېنې کابل کې په ولایتونو کې د ورزش د ودې مدیریتي سیمنار دوام
په پلازمېنې کابل کې « ولایتونو کې د ورزش د ودې مدیریتي سيمنار» ترعنوان لاندې شپږ ورځنی سیمنار چې د هېواد د المپیک ملي کمېټې او سپورټ عمومي ریاست په نوښت پیل شوی دویمه ورځ يې هم پیل شوه.
دې سیمنار کې چې د هېواد ۳۴ ولایتونو ورزشي آمرینو او مدیرانو ګډون کړی په ولایتونو کې د اړونده ستونزو د حل په موخه پیل او ګډونوالو ته په عملي او نظري توګه مالومات وړاندې کیږي.
د یاد سیمنار په دویمه ورځ د مالي او حساب ورکونې، تدارکات او املاکو آمریتونو د مسوولینو له خوا د سیمنار ګډنوالو ته لکچرنوټونه وړاندې شول، په پام کې ده چې د ورځې په جریان کې به د بشري سرچینو امریت هم خپل مالومات او لکچرنوټونه له ګډونوالو سره شریک کړي.
باید وویل شي چې د ګډونوالو پوښتونو ته د اړونده مسوولینو له خوا ځوابونه ورکړل شول.
