پروان کې له ۱۶ کلنو کم عمره د فوټبال سیالۍ د ازاد کلب لوبډلې په اتلولۍ پای ته ورسېدې
د پروان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري په یاد ولایت کې د شپږو لوبډلو ترمنځ له ۱۶ کلنو کم عمره د فوټبال سیالۍ، چې څو ورځې مخکې پیل شوې وې د ازاد کلب لوبډلې په اتلولۍ پای ته ورسېدې.
د دغو سیالیو په پایله کې ازاد کلب ورزشکارانو د زیاتو امتیازونو په ترلاسه کولو لومړی او اتحاد بګرام لوبډلې بیا دویم مقام خپل کړ.
د یادو سیالیو موخه د غوره استعدادونو موندل او د فوټبال لوبو ته د ځوانانو هڅول و؛ د سیالیو په پای کې غوره لوبغاړو ته چمتو شوې ډالۍ ورکړل شوې.
