پروان؛ مرکز کې د ۱۲ لوبډلو ترمنځ د فوټسال سیالۍ د معرفت لوبډلې په اتلولۍ پای ته ورسېدې
د پروان ولایت د بدني روزنې او ورزش امریت له لوري د یاد ولایت په مرکز کې د ۱۲ لوبډلو ترمنځ د فوټسال سیالۍ، چې ۲۲ ورځې وړاندې پیل شوې وې د معرفت لوبډلې په اتلولۍ پای ته ورسېدې.
د دغو سیالیو پایلوبه کې د معرفت لوبډلې خپلې سیالې میربچه کوټ لوبډلې ته د ۵/۴ نومرو په توپیر ماتې ورکړه او اتلولي یي خپله کړه.
د یادو سیالیو موخه د فوټسال ورزش ته وده ورکول او د کوچني اختر نماځل و.
د سیالیو په پای کې د ورزش مسوولانو له لوري غوره لوبډلې ته کپ، مډالونه، جایزې او ستاینلیکونه ورکړل شول.
