پروان؛ سیاګیرد ولسوالۍ کې د اتو لوبډلو ترمنځ د والیبال سیالۍ پای ته ورسېدې
د پروان ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په سیاګیرد ولسوالۍ کې د اتو لوبډلو ترمنځ د والیبال سیالۍ، چې یوه اوونۍ مخکې پيل شوې وې د شېخ علي لوبډلې په اتلولۍ پای ته ورسېدې.
د دغو سیالیو په پایلوبه کې شېخ علي لوبډلې خپلې سیالې وحدت سیاګیرد لوبډلې ته د ۳/۲ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول او د سیاګیرد ولسوالۍ منتخبې لوبډلې ټاکل و.
د سیالیو په پای کې غوره لوبډلې ته چمتو شوې ډالۍ ورکړل شوې.
