هلمند کې د ۱۲ لوبډلو ترمنځ د ټېپ بال کرکت سیالۍ پیل شوې
د هلمند ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت مرکز لښکرګاه ښار په بولان سیمه کې د ۱۲ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د عبرت او بولان اتلانو لوبډلو ترمنځ ترسره شوه. د لوبې پچه عبرت لوبډلې وګټله او لومړی یې د توپ وهنې پرېکړه وکړه، چې په ټاکلو ۱۲ اورونو کې یې خپلې سیالې لوبډلې ته د ۲۵۶ منډو هدف وټاکه. بولان اتلانو لوبډلې د هدف په تعقیب کې ۱۵۹ منډې وکړې او لوبه یې د ۹۶ منډو په توپیر وبایلله.
دا سیالۍ ورزش ته د ځوانانو د هڅونې په موخه پیل شوي دي، چې یوه میاشت به دوام وکړي.
