هلمند؛ گرمسېر ولسوالۍ کې د ۱۵ لوبډلو ترمنځ د واليبال سيالۍ پای ته ورسېدې
د هلمند ولايت د بدني روزنې او ورزش آمريت اړوند د واليبال فدراسيون د استازولۍ له لوري د گرمسېر ولسوالۍ په هزار جفت سيمه کې د ۱۵ لوبډلو ترمنځ د واليبال سيالۍ د اعظيمي لوبډلې په اتلولۍ پای ته ورسېدې.
د دغو سياليو پايلوبه کې اعظيمي لوبډلې خپلې سيالې هزار جفت مرکزي لوبډلې ته د ۳ پر صفر ميدانونو په توپير ماتې ورکړه او اتلولي يې وگټله.
دا سيالۍ د ځوانانو لپاره د سالم مصروفیت برابرولو په موخه ترسره شوې، چې دوې ورځې يې دوام وکړ.
