هلمند؛ گرشک ولسوالۍ کې د ۲۲ لوبډلو ترمنځ د فوټبال سيالۍ پای ته ورسېدې
د هلمند ولايت د بدني روزنې او ورزش آمريت اړوند د فوټبال فدراسیون د استازولۍ له لوري د گرشک ولسوالۍ په ميرمندو سيمه کې د ۲۲ لوبډلو ترمنځ د رمضان جام په نوم د فوټبال سيالۍ، چې يوه مياشت مخکې پيل شوې وې، د حاجي غلام رسول لوبډلې په اتلولۍ پای ته ورسېدې.
د يادو سياليو په پايلوبه کې حاجي غلام رسول لوبډلې خپلې سيالې ناني آغا لوبډلې ته د ۱ پر ۰ گول په توپير ماتې ورکړه او اتلولي يې په خپل نوم کړه.
د ويلو وړ ده، چې د دغو سیالیو موخه ورزش ته د ځوانانو هڅول وو.
