هلمند؛ گرشک ولسوالۍ کې د اتو لوبډلو ترمنځ د فوټسال سيالۍ پيل شوې
د هلمند ولايت د بدني روزنې او ورزش آمريت اړوند د فوټبال فدراسيون د استازولۍ له لوري او د فولاد صنعتي شرکت په مالي ملاتړ د گرشک ولسوالۍ په ورزشي جمنازيوم کې د اتو لوبډلو ترمنځ د "غوري موټرسايکل جام" په نوم د فوټسال سيالۍ پيل شوې.
د يادو سياليو په لومړۍ لوبه کې عسکري لوبډلې خپلې سيالې تاختيان لوبډلې ته د ۶ پر ۵ گولونو په توپير ماتې ورکړه او بريا يې په خپل نوم کړه.
دا سيالۍ د ځوانانو لپاره د سالمې تفريح برابرولو په موخه ترسره کېږي، چې دوې اوونۍ به دوام وکړي.
