هلمند؛ ګرمسېر ولسوالۍ کې د ۲۴ لوبډلو ترمنځ د فوټسال سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په ګرمسېر ولسوالۍ کې د ۲۴ لوبډلو ترمنخ د فوټسال سیالۍ پیل شوې.
د دغو سیالیو لومړۍ لوبه د مرکزي لېسې او حبیبي لوبډلو ترمنځ ترسره شوه، چې په پایله کې یې حبیبي لوبډلې د ۷ پر ۶ ګولونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم ثبت کړه.
دا سیالۍ د هلمند ولایت د فوټسال ټاکنیزې لوبډلې ته د غوره لوبغاړو د ټاکلو په موخه پیل شوي دي، چې دوې میاشتې به دوام وکړي.
