هلمند؛ ګرمسېر ولسوالۍ کې د ۱۴ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت په ګرمسېر ولسوالۍ کې د ۱۴ لوبډلو ترمنځ د فوټبال سیالۍ د شاهین افغان الف لوبډلې په اتلولي پای ته ورسېدې.
د یادو سیالیو پایلوبه کې شاهین افغان الف لوبډلې د ۳ پر یو ګول په توپیر خپلې سیالې شاهین افغان ب لوبډلې ته ماتې ورکړه او اتلولي یې وګټله.
دا سیالۍ ورزش ته د نویو ځوانانو د هڅولو په موخه ترسره شوې، جې ۲۱ ورځې یې دوام وکړ.
