هلمند؛ ګرشک ولسوالۍ کې د ۲۰ لوبډلو ترمنځ د فوټسال سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت په ګرشک ولسوالۍ کې د ۲۰ لوبډلو ترمنځ د فوټسال سیالۍ پیل شوې.
د یاد سیالیو لومړۍ لوبه د احمدي یارانو او حاجي بارک لوبډلو ترمنځ د ۳-۳ ګولونو په وهلو سره مساوي پای ته ورسېده.
دا سیالۍ د نویو ځوانانو لپاره د ورزش زمینې برابرولو په موخه پیل شوي دي، چې ۳۵ ورځې به دوام وکړي.
