هلمند؛ ګرشک ولسوالۍ کې د څلور لوبډلو ترمنځ د فوټسال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په ګرشک ولسوالۍ کې د څلورو خصوصي ښوونځیو ترمنځ د فوټسال سیالۍ د محمدي خصوصي ښوونځي په اتلولي پای ته ورسېدې.
د یادو سیالیو پایلوبه د محمدي او شرافت خصوصي ښونځیو ترمنځ د ۲-۲ ګولونو په وهلو سره مساوي شوه، خو په پنالټیو کې محمدي خصوصي ښوونځي د ۴ پر ۳ ګولونو په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ په ښوونیزو مرکزونو کې ورزش ته د ودې ورکولو په موخه ترسره شوې، چې دوې اوونۍ یې دوام وکړ.
