هلمند؛ په ګرمسېر ولسوالۍ کې د فوټبال ډبل ناک اوټ سيالۍ پيل شوې
د هلمند ولایت د بدني روزنې او ورزش امريت په همغږۍ د فوټبال فدراسیون له لوري د ګرمسېر ولسوالۍ په هزار جغت فوټبالي حوزه کې د ١١ لوبډلو ترمنځ د فوټبال ډبل ناک اوټ (تګ راتګ) سيالۍ پيل شوې.
د دغو سیالیو د پيل په لوبه کې د خراسان او نوي اتلان لوبډلې سره مخ شوې، چې د دواړو لوبډلو لوبه د ٠-٠ پايلي سره مساوي پاى ته ورسېده.
په دغو سياليو کې قریشي، سرحدي اتلان، هزارجفت مرکزي، نوي ځوانان، عمرزي، شملان، نوي اتلان، شهید اجمل، خراسان ، هزارجفت لیسه او فولاد لوبډلې برخه لري.
يادي سيالۍ به ١٥ ورځې دوام وکړي چې پر دوام به يې نن دوشنبه د نوي ځوانان او شهيد اجمل لوبډلې د لوبې ډګر ته ښکته شي.
