هلمند؛ په ګرشک ولسوالۍ کې د ۱۶ لوبډلو ترمنځ د فوټسال سيالۍ پای ته ورسېدې
د هلمند ولایت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت د ګرشک ولسوالۍ په مرکزي جمنازيوم کې د ۱۶ ب لوبډلو ترمنځ د فولاد جام په نوم د فوټسال سيالۍ د فريد نوروزي لوبډلې په اتلولۍ پای ته ورسېدې.
دغو سياليو په پايلوبه کې فريد نوروزي لوبډلې خپلې سیالې انصاري لوبډلې ته د ۴/۳ ګولونو په توپير سره ماتې ورکړه او اتلولي يې وګټله.
د يادو سياليو غوره لوبغاړی مير ولي، غوره ګول ساتونکی مسعود مبارز او غوره ګول وهونکی نصيراحمد وټاکل شو.
د يادو سياليو موخه د لوبغاړو ترمنځ د يووالي رامنځته کول و، چې دوې اوونۍ يې دوام وکړ.
