هلمند؛ په ناوه ولسوالۍ کې د ۱۲ لوبډلو ترمنځ د فوټبال سيالۍ پای ته ورسېدې
د هلمند ولايت ناوې ولسوالۍ اړوند سرخدوز سيمه کې د ۱۲ لوبډلو ترمنځ د فوټبال رمضان جام شپنۍ سيالۍ د افغان لوبډلې په اتلولۍ پای ته ورسېدې.
د دغو سياليو په پايلوبه کې خوشحال افغان لوبډلې خپلې سيالې منتظر لوبډلې ته د ۶_۳ ګولونو په توپير ماتې ورکړه او اتلولي يې خپله کړه.
هېره دې نه وي چې د دغو سياليو موخه په دغه مبارک مياشت کې ځوانانو ته د سالمې تفرېح چمتو کول او همدارنګه د لوبغاړو ترمنځ د يووالي فضا رامنځته کول وو.
