هلمند؛ په موسی قلعه ولسوالۍ کې د ۳۰ لوبډلو ترمنځ د فوټبال شپنۍ سیالۍ پیل شوې
د هلمند ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت د موسی کلا ولسوالۍ په مرکزي لوبغالي کې د ۳۰ لوبډلو ترمنځ د رمضان جام په نوم د فوټبال شپنۍ ګروپي سیالۍ پیل شوې.
د دغو سياليو په لومړۍ لوبه کې د حافظ عصمت لوبډلې خپلې سیالې عبدالنافع لوبډلې ته د ۲/۰ ګولونو په توپير سره ماتې ورکړ او بريايې وګټله.
د يادو سياليو موخه د موسی قلعه ولسوالۍ وګړو ته د يوې سالمې تفريح برابرول دي، چې يوه مياشت به دوام وکړي.
