هلمند؛ په لښکرگاه ښار کې د ۴۲ ورزشکارانو ترمنځ د پارکور درېيم پړاو ټاکنيزې سيالۍ ترسره شوې
د هلمند ولايت د بدني روزنې او سپورټ امريت اړوند د پارکور فدراسيون د استازولۍ له لوري د لښکرگاه ښار په پوهنتون ورزشي کلب کې د ۴۲ ورزشکارانو ترمنځ د ځوانانو او لويو ورزشکارانو په عمري کټگوريو کې د پارکور درېيم پړاو ټاکنيزې سيالۍ ترسره شوې.
دغه سیالۍ چې يوه ورځ يې دوام وکړ، په پايله کې په ځوانانو کټگورۍ کې حبيب الله، احسان الله او وحيد الله، د دې ترڅنگ په لويانو کټگورۍ کې بيا وحيد الله، احمد الله او غيرت الله د ياد ولايت پارکور منتخبې لوبډلې ته غوره شول.
