هلمند؛ په لښکرګاه ښار کې د ۱۶ لوبډلو ترمنځ د ټېپ بال کرېکټ سيالۍ پيل شوې
د هلمند ولایت د بدني روزنې او ورزش امريت له لوري د ياد ولايت مرکز لښکرګاه ښار اوومې ناحيې په سرې پوستې سيمه کې د يارانو جام په نوم د ۱۶ لوبډلو ترمنځ د ټېپ بال کرېکټ سيالۍ پيل شوې.
د دغو سياليو لومړۍ لوبه د ظريفي او حقمل لوبډلو ترمنځ ترسره شوه، د حقمل لوبډلې د پچې په ګټلو سره د توپ وهنې پرېکړه وکړه چې په ټاکلو نهو اورونو کې مقابلې لوبډلې ته د ۱۲۲ منډو هدف وټاکه. په ځواب کې د ظريفي لوبډلې ټاکل شوې هدف د لوبې په اتو اورونو کې د څلورو لوبغاړو په سوځېدو سره پور کړ او لوبه یې د شپږو ويکټو په توپير وګټله.
د يادو سياليو موخه د ځوانانو ترمنځ يووالی رامنځته کول دي، چې ۲۵ ورځې به دوام وکړي.
