هلمند؛ ناوې ولسوالۍ کې د ۱۰ لوبډلو ترمنځ د ټېپ بال کرکټ سيالۍ پای ته ورسیدې
د هلمند ولايت د بدني روزنې او ورزش رياست اړوند د ټېپ بال کرکټ فدراسيون د استازولۍ له لوري د ياد ولايت د ناوې ولسوالۍ کې د ۱۰ لوبډلو ترمنځ د ټېپ بال کرکټ سيالۍ د اڅک اتحاد لوبډلې په اتلولۍ پای ته ورسیدې.
د دغو سياليو پايلوبه د اڅک اتحاد او بست ساتونکو لوبډلو ترمنځ ترسره شوه، اڅک اتحاد لوبډلې د پچې په ګټلو سره د توپ وهنې پرېکړه وکړه، چې په ټاکلو ۱۴ اورونو کې د اووه لوبغاړو په سوځېدو سره مقابلې لوبډلې ته د ۲۳۰ منډو هدف وټاکه. په ځواب کې د بست ساتونکو لوبډلې په ټولو اورونو کې د څلورو لوبغاړو په سوځېدو سره ۱۵۰ منډې جوړې کړې او د ۷۹ منډو په توپير سره يي لوبه وبایلله.
د يادو سياليو موخه د ځوانانو ترمنځ د يووالی رامنځته کول و، چې ۲۰ ورځې يې دوام وکړ.
