هلمند؛ موسی قلعه ولسوالۍ کې د ۳۰ لوبډلو ترمنځ د فوټبال رمضان جام سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په موسی قلعه ولسوالۍ کې د ۳۰ لوبډلو ترمنځ د فوټبال رمضان جام سیالۍ د احمدي لوبډلې په اتلولي پای ته ورسېدې.
د یادو سیالیو پایلوبه د احمدي او امین جان لوبډلو ترمنځ ترسره شوه، چې په پایله کې یې احمدي لوبډلې د ۲/۰ ګولونو په توپیر خپلې سیالې امین جان لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي او سالمې تفرېح په موخه ترسره شوې، چې یوه میاشت یې دوام وکړ.
