هلمند؛ مرکز لښکرګاه ښار کې د څلورو ولایتونو ترمنځ د فوټبال سیالۍ پیل شوې

د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري او د اتصالات مخابراتي شرکت او پوپل او ورونو خدماتي شرکت په مالي ملاتړ د یاد ولایت مرکز لښکرګاه ښار کې د څلور ولایتونو ترمنځ د فوټبال سیالۍ پیل شوې.

په دغو سیالیو کې د هلمند، کندهار، ارزګان او غزني ولایتونو لوبډلو ګډون کړی دی، چې لومړۍ لوبه کې یې هلمند لوبډلې د څلور پر صفر ګولونو په توپیر خپلې سیالې ارزګان لوبډلې ته ماتې ورکړه او د سیالیو لومړۍ لوبه یې وګټله.

دا سیالۍ د افغانستان اتلانو لیګ ته د جنوب لویديځ زون په کچه د غوره لوبډلې د ټاکلو په موخه پیل شوي دي، چې پنځه ورځې به دوام وکړي.