هلمند؛ مرکز لښکرګاه ښار کې د اتو لوبډلو ترمنځ د ټېپ بال کرکټ سیالۍ پای ته ورسېدې
د هلمند ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د ياد ولايت مرکز لښکرګاه ښار په بولان حوزه کې د اتو لوبډلو ترمنځ د ټېپ بال کرکټ سیالۍ د رحمت کاکړ لوبډلې په اتلولي پای ته ورسېدې.
د یادو سیالیو پایلوبه د رحمت کاکړ او ناصر ارمان لوبډلو ترمنځ ترسره شوه. د لوبې پچه رحمت کاکړ لوبډلې وګټله او لومړی یې د توپ وهنې پرېکړه وکړه چې په ټاکلو ١٤ اورونو کې یې خپلې سیالې لوبډلې ته د ٢٢٠ منډو هدف وټاکه. ناصر ارمان لوبډلې د هدف په تعقیب کې د خپلو ټولو لوبغاړو په له لاسه ورکولو سره ١٥٦ منډې وکړې او د ٦٣ منډو په توپیر یې سیالۍ وبایلله.
یادې سیالۍ ورزش ته د ځوانانو د هڅولو په موخه ترسره شوې چې ١٤ ورځې يې دوام وکړ.
