هلمند؛ د ٣٢ لوبډلو ترمنځ د فوټسال درېیم پړاو رمضان جام سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري او د فولاد صنعتي شرکت په مالي ملاتړ د ياد ولايت مرکز لښکر ګاه ښار کې د ٣٢ لوبډلو ترمنځ د فوټسال درېیم پړاو سیالۍ د قیس غني لوبډلې په اتلولي پای ته ورسېدې.
د یادو سیالیو پایلوبه د قیس غني او پیکان لوبډلو ترمنځ ترسره شوه، چې په پایله کې یې قیس غني لوبډلې د ١٣/٢ ګولونو په توپیر خپلې سیالې پیکان لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې ٢٥ ورځې یې دوام وکړ او په پای کې اتلې لوبډلې ته یو عراده موټر سایکل ورکړل شو.
