هلمند؛ خانشین ولسوالۍ کې له شپاړس کلنو د کم عمره ۱۴ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت په خانشین ولسوالۍ کې له شپاړس کلنو د کم عمره ۱۴ لوبډلو ترمنځ د فوټبال سیالۍ د خبیب لوبډلې په اتلولي پای ته ورسېدې.
د دغو سیالیو په پایله کې خبیب لوبډلې د یو پر صفر ګول په توپیر خپلې سیالې هېواد افغان لوبډلې ته ماتې ورکړه او اتلولي یې وګټله.
دا سیالۍ د ۱۶ کلنو ټاکنیزې لوبډلې ته د غوره لوبغاړو ټاکلو په موخه ترسره شوې، چې درې اوونۍ یې دوام وکړ.
