هلمند؛ خانشین ولسوالۍ کې د اتو لوبډلو ترمنځ د فوټبال سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په خانشین ولسوالۍ کې د اتو لوبډلو ترمنځ د فوټبال سیالۍ پیل شوې.
د یادو سیالیو لومړۍ لوبه د شمشاد او میوند لوبډلو ترمنځ ترسره شوه، چې شمشاد لوبډلې د یو پر صفر ګول په توپیر خپلې سیالې لوبډلې ته ماتې ورکړه او د سياليو لومړۍ بریا یې په خپل نوم کړه.
يادې سیالۍ د ځوانانو د سالم مصروفیت په موخه پیل شوي دي، چې په ناک اوټ شکل ترسره کېږي او چې دوې اونۍ به دوام وکړي.
