هلمند؛ خانشين ولسوالۍ کې د ۱۸ لوبډلو ترمنځ د فوټسال سيالۍ پيل شوې
د هلمند ولايت د بدني روزنې او ورزش آمريت اړوند د فوټبال فدراسیون د استازولۍ له لوري د خانشين ولسوالۍ په مرکزي لوبغالي کې د ۱۸ لوبډلو ترمنځ د يووالي په نوم د فوټسال سيالۍ پيل شوې.
د دغو سياليو په لومړنۍ لوبه کې میوند اتلانو لوبډلې خپلې سيالې خراسان ب لوبډلې ته د ۱ پر ۰ گول په توپير ماتې ورکړه او بريا يې په خپل نوم کړه.
د يادو سياليو موخه د ځوانانو لپاره د سالم مصروفیت برابرول او ترمنځ يې يووالی دی، چې دوې اوونۍ به دوام وکړي.
