هلمند؛ تاغز حوزې لوبډلې د خانشين ولسوالۍ د فوټبال سياليو اتلولي وگټله
د هلمند ولايت د بدني روزنې او ورزش امريت اړوند د فوټبال فدراسيون د استازولۍ له لوري د يادو ولايت د خانشين ولسوالۍ په مرکزي لوبغالي کې د اتو حوزو لوبډلو ترمنځ د فوټبال سيالۍ، چې اته ورځې مخکې پيل شوې وې، د تاغز حوزې لوبډلې په اتلولۍ پای ته ورسېدې.
د يادو سياليو پايلوبه د تاغز او غلامان حوزو لوبډلو ترمنځ ترسره شوه، چې په ټاکلي وخت سيالۍ ۱/۱ مساوي پای ته ورسېده، خو په پنالټيانو کې تاغز حوزې لوبډلې خپلې سيالې لوبډلې ته د ۳/۴ گولونو په توپير ماتې ورکړه او اتلولي يې خپله کړه.
