هلمند؛ بنادر ځوانانو لوبډلې د گرمسېر ولسوالۍ د فوټبال غوره ليگ سياليو اتلولي وگټله
د هلمند ولايت د بدني روزنې او ورزش امريت اړوند د فوټبال فدراسيون د استازولۍ له لوري د ياد ولايت په گرمسېر ولسوالۍ کې د ۱۲ غوره لوبډلو ترمنځ د ۲۰۲۴ فوټبال غوره ليگ سيالۍ، چې پنځه مياشتې مخکې پيل شوې وې د بنادر ځوانانو لوبډلې په اتلولۍ پای ته ورسېدې.
د يادو سياليو پايلوبه د بنادر ځوانانو او زرغون لکي لوبډلو ترمنځ ترسره شوه، چې په پايله کې زرغون لکي لوبډلې خپلې سيالې لوبډلې ته د ۴ پر ۱ گولونو په توپير ماتې ورکړه او بريا يې په خپل نوم کړه، خو بنادر ځوانانو لوبډلې د ۴۵ نمرو په ترلاسه کولو سره لومړی، زرغون لکي لوبډلې د ۴۴ نمرو په ترلاسه کولو سره بيا دويم مقام خپل کړ.
د دغو سياليو غوره لوبغاړی محمد حسن اماني، غوره گول وهونکی عزت الله او غوره گول ساتونکی بيا عزت ذاهد ونومول شول.
د ويلو ده، چې په دغو سياليو کې د یوولس اتلانو، حاجي درويش او هزار جفت مرکزي لوبډلو د کمو نمرو سره الف ليگ ته شاتگ وکړ.
