هرات کې د ۴۲ لوبډلو ترمنځ د فوټسال سیالۍ پيل شوې
د هرات ولایت د بدني روزنې او ورزش ریاست اړوند د فوټبال ملي فدراسیون د استازولۍ له لوري د یاد ولایت په مرکز ښار کې د خصوصي ښوونځیو د ۴۲ لوبډلو ترمنځ د فوټسال سیالۍ پيل شوې.
د دغو سیالیو په لومړۍ لوبه کې هېواد ښوونځي فوټسال لوبډلې خپلې سیالې مولانا فضل ښوونځي لوبډلې ته د ۷/۳ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د زده کوونکو ترمنځ سالمه انګیزه پیداکول، د ښوونځیو ترمنځ یووالی رامنځته کول او په ښوونځیو کې ورزش ته وده ورکول دي، چې یوه میاشت به دوام وکړي.
