هرات کې د ۱۶ ورزشکارانو ترمنځ د سنوکر سیالۍ ترسره شوې
د هرات ولایت د بدني روزنې او ورزش ریاست اړوند د سنوکر ملي فدراسیون د استازولۍ له لوري د یاد ولایت په کینګ کلب کې له لسو کلبونو د ۱۶ ورزشکارانو ترمنځ د سنوکر سیالۍ ترسره شوې.
د دغو سیالیو په پایله کې عبدالرحیم اکبري لومړی او محمد قیوم الکوزي دویم مقام ترلاسه کړ.
د یادو سیالیو موخه د اسد ۲۴ تمه د ا.ا.ا. د فتحې ورځې نمانځل و؛ د سیالیو په پای کې د ورزش مسوولینو له لوري غوره ورزشکارانو ته چمتو شوې ډالۍ ورکړل شوې.
