هرات؛ غوریان ولسوالۍ کې د فوتسال دوستانه سیالۍ وشوه
د هرات ولايت د فوټبال فدراسيون له خوا د غوريان ولسوالۍ ورزشکارانو او ځوانانو ترمنځ د فوتسال ودې په موخه د کشاورزان غوريان او اتحاد پهلوانانو لوبډلو ترمنځ د فوټسال دوستانه سیالۍ ترسره شوه چې د دواړو ټیمونو ترمنځ لوبه د ۱۱-۲ په پایلې سره د اتحاد پهلوانان لوبډلې په بریا پای ورسېده.
د هرات د بدني روزنې او ورزش رئیس مولوي ګلاب الدين خپلواك وويل چې د دغو سياليو موخه په هرات كې د ورزش وده او پراختيا او د هرات ښار او ولسواليو ورزشكارانو ترمنځ د ورزشي تجربو تبادله ده.
په همدې حال کې ورزشکارانو د یادې لوبې له پیلولو خوښي څرګنده کړه له ډېرو کلونو وروسته يې وکولای شول چې له امنیتي ستونزو پرته ولسوالیو ته سفر وکړي او ورزشي سیالۍ ترسره کړي.
