نورستان؛ مرکز پارون ښار کې د ۱۲ لوبډلو ترمنځ د فوټسال سيالۍ پيل شوې
د نورستان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز پارون ښار کې د ۱۲ لوبډلو ترمنځ د فوټسال سيالۍ پيل شوې.
د دغو سياليو په لومړۍ لوبه کې کليشه وايګل لوبډلې خپلې سیالې لغمان ځوانانو لوبډلې ته د ۲/۰ ګولونو په توپير ماتې ورکړه او لومړۍ بريا يې خپله کړه.
د يادو سياليو موخه د فوټسال ورزش ته وده ورکول، يووالی رامنځته کول او د غوره صحت درلودل و، چې اته ورځې يې دوام وکړ.
