ننگرهار کې د ۳۰ تنو ورزشکارانو ترمنځ د کنفتوا ټاکنيزې سيالۍ ترسره شوې
د ننگرهار ولايت د بدني روزنې او ورزش رياست په همکارۍ د ياد ولايت په بټي کوټ ولسوالۍ کې د شپږو کلبونو د ۳۰ ورزشکارانو ترمنځ د نويو ځوانانو، ځوانانو او مشرانو په عمري کټگوريو کې د کنفتوا ټاکنيزې سيالۍ ترسره شوې.
په دغو سياليو کې د فديانو، شاهين، غورځنگ، عادل، غازي او مرکزي کلبونو ورزشکارانو گډون کړی وو، چې په پايله کې ۱۵ تنه د ننگرهار کنفتوا لوبډلې ته وټاکل شول.
د يادونې وړ ده، چې د دغو سیالیو په پای کې غوره ورزشکارانو ته مډالونه او ستاينليکونه ورکړل شول.
