ننگرهار؛ گوشتې ولسوالۍ کې د ټېپ بال کرېکټ اختريزې سیالۍ پای ته ورسېدې
د ننگرهار ولايت د بدني روزنې او ورزش رياست په همغږۍ د ياد ولايت په گوشتې ولسوالۍ کې د ۲۶ لوبډلو ترمنځ د نويو استعدادونو موندلو په موخه د ټېپ بال کرېکټ اختريزې سيالۍ د صادق سټار لوبډلې په اتلولۍ پای ته ورسېدې.
د يادو سياليو پايلوبه د صادق سټار او لعلو وطن دوست لوبډلو ترمنځ وشوه، د لوبې پچه لعلو وطن دوست لوبډلې وگټله او سیالې لوبډلې ته يې د توپ وهنې بلنه ورکړه، صادق سټار لوبډلې په ټاکلو ۱۰ اورونو کې سيالې لوبډلې ته د ۱۸۶ منډو هدف کېښود، په ځواب کې لعلو وطن دوست لوبډلې د ټولو اورونو په لوبولو سره ۱۰۱ منډې وکړې او لوبه يې د ۸۵ منډو په توپير وبايلله.
د ويلو وړ ده، چې دغو سياليو شاوخوا يوه مياشت دوام وکړ.
