ننگرهار؛ په بهسودو ولسوالۍ کې د ټغر ټېب بال کرکټ شپږم پړاو غوره ليک سيالۍ پېل شوې
د ننگرهار ولايت د بدني روزنې او سپورټ رياست له لوري د ياد ولايت په بهسودو ولسوالۍ کې د ۳۶ لوبډلو تر منځ د ټغر ټېب بال کرکټ شپږم پړاو غوره ليګ سيالۍ پېل شوې.
د يادو سياليو لومړۍ لوبه د دامان ځوانانو او رحيمي لوبډلو تر منځ ترسره شوه، چې په پايله کې دامان لوبډلې په ټاکلو اتو اورونو کې سيالې لوبډلې ته د ۱۵۲ منډو هدف کېښود، رحيمي لوبډلې د ياد هدف په مقابل کې ۱۱۲ منډې وکړې او په ۴۰ منډو يې ماتې ومنله.
دغه سيالۍ چې شاوخوا يوه نيمه مياشت به دوام وکړي، موخه يې د پخوانيو دودونو ساتل دي.
