ننگرهار؛ مومندرې ولسوالۍ کې د ۶۶ لوبډلو ترمنځ د ټېپ بال کرکټ سيالۍ پيل شوې
د ننگرهار ولايت د بدني روزنې او ورزش رياست اړوند د ټېپ بال کرکټ فدراسيون د استازولۍ له لوري د مومندرې ولسوالۍ په هزارناو سيمه کې د ۶۶ لوبډلو ترمنځ د لوی اختر په مناسبت د ټېپ بال کرکټ سيالۍ پيل شوې.
د يادو سیالیو لومړنۍ لوبه د افغان او هزارناو ايگل لوبډلو ترمنځ ترسره شوه، د لوبې پچه افغان لوبډلې وگټله او لومړی يې د توپ وهنې پریکړه وکړه، چې په ټاکلو لسو اورونو کې يې د اتو لوبغاړو په سوځېدو سره سيالې لوبډلې ته د ۱۰۳ منډو هدف وټاکه، په مقابل کې هزارناو ايگل لوبډلې ياد هدف د لوبې په وروستي اور کې ترلاسه کړ او د درېوو ویکټو په توپير يې بريا خپله کړه.
د ويلو وړ ده، چې دغه سيالۍ به شاوخوا يوه مياشت دوام وکړي.
