ننگرهار؛ بټي کوټ ولسوالۍ کې د چهاردهي ټېپ بال کرېکټ ټورنمنټ پيل شو
د ننگرهار ولايت د بدني روزنې او ورزش رياست په همغږۍ او د ټېپ بال کرېکټ فدراسيون د استازولۍ له لوري د ياد ولايت په بټي کوټ ولسوالۍ کې د ۱۰ لوبډلو ترمنځ د چهاردهي ټېپ بال کرېکټ سيالۍ پيل شوې.
د يادو سياليو پيليزه لوبه د چهاردهي ځوانانو او تکيې لوبډلو ترمنځ وشوه، د لوبې پچه تکيې لوبډلې وگټله او لومړی يې د توپ وهنې پرېکړه وکړه، چې په ټاکلو ۱۰ اورونو کې يې د ۶ لوبغاړو په سوځېدو سره خپلې سيالې لوبډلې ته د ۹۶ منډو هدف کېښود، په ځواب کې تيکې لوبډلې ياد هدف په ۶م اور کې ترلاسه کړ او لوبه يې د ۶ ويکټو په توپير وگټله.
دا سيالۍ د ځوانانو د سالم مصروفیت په موخه ترسره کېږي، چې شاوخوا يوه مياشت به دوام وکړي.
