ننګرهار کې د شپږو لوبډلو ترمنځ د فوټبال سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د فوټبال فدراسیون د استازولي له لوري د ياد ولايت مرکز جلال آباد ښار کې د شپږو ولایتونو ترمنځ د فوټبال سیالۍ د ننګرهار لوبډلې په اتلولي پای ته ورسېدې.
دغو سیالیو کې د ننګرهار، لغمان، نورستان، کابل، پکتیا او میدان وردګ ولایتونو لوبډلو ګډون کړی و، چې پایلوبه يې د ننګرهار او پکتیا لوبډلو ترمنځ ترسره شوه او په پایله کې یې ننګرهار لوبډلې د ١٤ ګولونو په ترلاسه کولو او ١٥ نمرو په لرلو سره د یادو سیالیو لومړی مقام خپل کړ.
دغه سيالۍ د افغانستان غوره لیګ ١٢ غوره لوبډلو ته د لار موندنې په موخه ترسره شوې، چې لس ورځې یې دوام وکړ.
یادې سیالۍ د لس ورځو دوام وروسته پای ته ورسیدې، چې ګټونکي لوبډلې ته یې په انعام کې لومړی درجه کپ ورکړل شو.
