ننګرهار؛ پچیراګام ولسوالۍ کې د ۲۴ لوبډلوترمنځ د والیبال سیالۍ پیل شوې
د ننګرهار ولایت د بدني روزنې او ورزش ریاست اړوند د والیبال فدراسیون د استازولي له لوري او د تورې بوړې شیریخ او مېلمستون په مالي مرسته د یاد ولایت په پچیراګام ولسوالۍ کې د هیواد امن دی په نوم د ۲۴ لوبډلو ترمنځ د والیبال سیالۍ پیل شوې.
د یادو سیالیو لومړۍ لوبه د پچیراګام او چپرهار لوبډلو ترمنځ ترسره شوه، چې لوبه د باران د اورښت له امله مساوي پای ته ورسېده.
دغه سیالۍ د تورې بوړې تاریخي سیمې د پېژندنې په موخه پیل شوي دي، چې لس ورځې به دوام وکړي.
