ننګرهار؛ په ښېوه ولسوالۍ کې د ۲۰ لوبډلو ترمنځ د ټېپ بال کرکټ سیالۍ پیل شوې
د ننګرهار ولايت د بدني روزنې او ورزش ریاست اړوند ټېپ بال کرکټ فدراسيون د استازولۍ له لوري په ښېوه ولسوالۍ کې د ۲۰ لوبډلو ترمنځ د ټېپ بال کرکټ سیالۍ، چې يوه مياشت به دوام وکړي پيل شوې.
د دغو سياليو لومړۍ لوبه د سلامپور الف او الهي اباد لوبډلو ترمنځ وشوه، لومړی توپوهنه سلامپور لوبډلې وکړه او په ټاکلو لسو اورونو کې يې سيالې لوبډلې ته د شپږو لوبغاړو په زيان ۱۰۹ منډې هدف کېښود، د لوبې په دويمه پاڼۍ کې الهي اباد لوبډله د ياد هدف په پوره کولو کې پاتې راغله او په ۷۴ منډو يې ماتې وخوړه.
