ننګرهار؛ په مومندرې ولسوالۍ کې د ۷۸ لوبډلو ترمنځ د ټېپ بال کرېکټ سيالۍ پای ته ورسېدې
د ننګرهار ولایت د بدني روزنې او ورزش رياست اړوند د ټېپ بال کرېکټ فدراسيون د استازولۍ له لوري د ياد ولايت په مومندرې ولسوالۍ کې د ۷۸ لوبډلو ترمنځ د ټېپ بال کرېکټ سيالۍ هزارناو سوپر سټار لوبډلې په اتلولۍ پای ته ورسېدې.
د دغو سياليو پايلوبه د هزار ناو سوپر سټار او هزار ناو اجتماعي لوبډلو ترمنځ ترسره شوه، هزار ناو سوپر سټار لوبډلې د پچې په ګټلو سره د توپ وهنې پرېکړه وکړه، چې په ټاکلو نهو اورونو کې د څلورو لوبغاړو په سوځېدو سره مقابلې لوبډلې ته د ۱۵۶ منډو هدف وټاکه. په ځواب کې د هزار ناو اجتماعي لوبډلې د اتو لوبغاړو په سوځېدو سره ۱۰۰ منډې جوړې کړې او د ۵۵ منډو په توپير يې لوبه وبایلله.
د يادو سياليو موخه له نطام څخه ملاټر وو، چې ۲۰ ورځې دوام وکړ.
