ننګرهار؛ په مومندره ولسوالۍ کې د ۶۰ لوبډلو ترمنځ د ټیپ بال کرکټ سيالۍ پيل شوې
د ننګرهار ولايت د بدني روزنې او ورزش ریاست اړوند ټېپ بال کرکټ فدراسیون د استازولۍ له لوري د مومندرې ولسوالۍ اړوند د ډکې سپین بند په کرکټ لوبغالي کې د ۶۰ لوبډلو ترمنځ د ټیپ بال کرکټ سيالۍ پيل شوې.
د دغو سياليو لومړۍ لوبه د ملتان سلطان او کينګ سټار لوبډلو ترمنځ وشوه، لومړۍ توپوهنه ملتان سلطان لوبډلې وکړه او په ټاکلو اتو اورونو کې يې سیالې لوبډلې ته ۱۴۵ منډې هدف کېښود، د لوبې په دويمه پاڼۍ کې کينګ سټار لوبډلې د ياد هدف په مقابل کې د ټولو لوبغاړو په زيان ۱۰۶ منډې جوړې کړې او په ۳۹ منډو يې ماتې وخوړه.
د یادونې وړ ده چې د دغو سياليو موخه د لوبغاړو ترمنځ د تجربو شريکول ياد شوي دي او دوه مياشتې به دوام وکړي.
