ننګرهار؛ په روداتو ولسوالۍ کې د غشي ويشتلو سيالۍ ترسره شوې
د ننګرهار ولايت د ورزش ریاست له لوري د روداتو ولسوالۍ په جيلګې سيمه کې د محلي_ دوديزې لوبې د دود کولو په موخه د غشي ويشتلو سيالۍ ترسره شوه.
په یادو سیالیو کې د روداتو ولسوالۍ په سطحه ۸۰ تنو ورزشکارانو برخه اخیستې وه، چې له دې ډلې لس تنو ورزشکارانو له غوره نښې ویشتلو سره لومړی، دویم او درېيمه درجه مقامونه تر لاسه کړل.
دا په داسې حال کې ده، چې د هېواد د ورزش ادارې د سيمه ييزو لوبو د بيا را ژوندي کولو او دودولو په موخه هڅې پیل کړې دي او په همدې موخه د دغې ادارې يوه پلاوي څه موده وړاندې يو شمېر ولايتونو ته سفر وکړ او د ورزش ولايتي ادارو ته يې د محلي _ دوديزو لوبو د بيا را ژوندي کولو پر اړه لازمي لارښووني وکړې.
