ننګرهار؛ په خوږیاڼو ولسوالۍ کې د ټېپ بال کرکټ سیالۍ پای ته ورسېدې
د ننګرهار ولایت د بدني روزنې او ورزش ریاست له لوري په خوږیاڼو ولسوالۍ کې د ۱۱ لوبډلو ترمنځ د ټېپ بال کرکټ سیالۍ د یاد ولایت د ازرخش ښوونیز مرکز لوبډلې په اتلولۍ پای ته ورسېدې.
د یادو سیالیو پایلوبې ته د ملکیار هوتک عالي لېسې او ازرخش ښوونیز مرکز لوبډلو لار موندلې وه، لومړۍ توپوهنه ازرخش لوبډلې ترسره کړه او په ټاکلو لسو اورونو کې یې د پنځو لوبغاړو په سوځېدو ۱۴۷ منډې هدف کېښود، بل لوري ته د ملکیار هوتک عالي لېسې لوبډلې د څلورو لوبغاړو په زیان ۱۳۵ منډې وکړې او سیالې لوبډلې ته یې په ۱۲ منډو سیالي بایلوده.
د یادونې وړ ده چې یادو سیالیو ۱۵ ورځې دوام وکړ او اتلې لوبډلې ته لومړۍ درجه کپ ورکړل شو.
